lili Alisu li tawa lon tenpo lili
li kama lon tomo pi soweli kute
nena lon sewi tomo li sama kute soweli
sewi tomo li sama selo soweli
ona li sona e ni
tomo ni li tomo pi soweli kute tan selo tomo
tomo pi lawa Tase la tomo ni li suli
taso tomo ni li suli mute ala
ona li moku lili e soko
li kama suli sama lawa tu
kama lon tomo soweli la lili Alisu li pilin nasa
ona li toki insa
 「ken la mi wile tawa tomo pi jan len
 mi sona ala e ni
 toki pi lawa soweli li nasa mute tawa mi」
taso ona li awen tawa

ona li lukin e supa moku lon anpa pi kasi suli
soweli kute en jan len li moku e telo kasi lon supa ni
lon meso pi ona tu la soweli lili pi lape mute li lon
soweli kute en jan len li lape e luka ona lon sijelo ona
lili Alisu li toki insa
 「nasin ona li ike tawa soweli lape
 taso soweli li lape la ken la nasin ni li ike mute ala」
supa li suli suli
taso ona tu wan li kulupu lon ma lili
lili Alisu li poka la soweli kute en jan len li toki wawa
 「ma supa li pini
 li pini a」
lili Alisu li toki utala
 「ma supa li mute a」
ona li kama awen lon supa monsi
soweli kute li toki
 「o moku e telo nasa」
lili Alisu li lukin tawa supa
li lukin e telo kasi taso
 「mi lukin ala e telo nasa」
soweli kute li toki
 「telo nasa li lon ala」
 「sina toki 'o moku'
 taso telo nasa li lon ala la
 nasin ona li ike」
 「mi toki 'ma supa li pini'
 taso sina li kama awen lon supa monsi
 nasin sina li ike」

Alice walks for some time
and comes to the house of the eared animal
the bumps on the top of the house is like animal ears
the top of the house is like animal fur
she knows this
this house is the eared animal's because of its façade
compared to the Duchess's house, this house is big
but this house is not very big
she nibbles the mushroom
and becomes big like two heads
coming to the animal's house, Alice feels strange
she thinks
 「maybe, I want to go to the house of the clothing man
 I don't know this
 the thoughts of the animal are too weird for me」
but she continues walking

she sees a table under a big tree
the eared animal and clothing person drink the tea on this table
in the middle of them two, a small animal which sleeps a lot exists
the eared animal and clothing person rest their arms on his body
Alice thinks
 「their methods are bad to the sleeping animal
 but if the animal sleeps, maybe, these methods are not too bad」
the table is very big
but they three group up in a small space
as Alice approaches, the eared animal and clothing person shout
 「the table space is over
 is over!」
Alice talks angrily
 「the table space is lots!」
she comes to remain on the chair
the eared animal speaks
 「do drink the alcohol」
Alice looks at the table
and sees only tea
 「I do not see alcohol」
the eared animal speaks
 「there is no alcohol」
 「you say 'do drink'
 but there is no alcohol,
 your methods are bad」
 「I say 'the table space is over'
 but you came to remain on the chair,
 your methods are bad」