kalama noka li lon
lili Alisu li pilin e ni
soweli anu waso li kama sin
taso kalama noka li kalama noka pi soweli walo
soweli walo li toki
 「pakala aa mi pakala aaa
 noka mi li pakala
 linja lawa mi li pakala
 mi jo ala e ijo ona la
 lawa Tase li moli e mi」
lili Alisu li sona e ni lon tenpo lili
soweli walo li alasa e ijo pi tenpo pini e ijo kon e len luka
ona li alasa kin
soweli walo li toki utala tawa lili Alisu
 「jan Melien o
 pali seme la, sina lon ni
 o tawa tomo mi
 o lanpan e ijo kon e len luka
 o tawa wawa」
lili Alisu li sona ala e jan Melian
taso toki pi soweli walo li monsuta e ona
ona li tawa taso
ona li wile ala toki tawa soweli walo e ni
ona li jan ante

there are foot sounds
Alice feels this
animals or birds come again
but the foot sounds are foot sounds of white animal
the white animal speaks
 「ruined! I'm ruined!
 my paws are ruined
 my whiskers are ruined
 I do not have her things
 Duchess will kill me」
Alice knows this in little time
the white animal searches the things of the past, the fan and glove
she also searches
the white animal talks angrily Alice
 「Mary Ann!
 doing what, are you here?
 got my house!
 grab the fan and gloves!
 go fast!」
Alice doesn't know Mary Ann
but the white animal's speech spooked her
she only goes
she does not want to tell this to the white animal
she is other person

lili Alisu li toki insa
 「soweli li pilin e ni
 mi jan ante
 taso mi ken pana e pilin nasa pi jan ante, tawa ona
 jan Melien la, mi ken pana e ijo ona lon tenpo lili」
ona li lukin e tomo pi soweli walo
lon sinpin tomo la, ona li lukin e lipu kasi
lipu kasi jo e sitelen ni
『soweli walo』
ona li tawa insa
 「ni li nasa
 mi lanpan e ijo tan toki soweli
 soweli Taina li kama toki sama anu seme
 tenpo kama la, mama mi li toki
 『jan Alisu o
 tenpo ni li tenpo pi tawa ona』
 taso mi toki
 『mi ken ala tawa
 mi lukin e lupa pi soweli lili tan soweli Taina』
 taso n
 toki ni la, mama li wile ala e ona lon tomo mi」

ona li kama lon tomo lape pi soweli walo
lon anpa pi lupa suno la, supa li lon
lon sewi supa la, ijo kon en len li lon
poki telo li lon kin
poki telo li jo e sitelen ni
『o moku e mi』
ona li lanpan e poki li moku e telo
lili Alisu li toki insa
 「mi moku e ijo la, ijo nasa li kama
 mi wile sona e ni
 telo ni li pali e seme
 mi wile kama suli sin
 mi pilin ike tan ni
 mi awen lili lon tenpo mute」

Alice thinks
 「the animal feels this
 I am another person
 but I can give the unexpected feeling of other person to him
 compared to Mary Ann, I can give the things in a shorter time」
she sees the white animal's house
in front of the house she sees a wooden sign
the wooden sign has this engraving
『white animal』
she enters
 「this is strange
 me taking things because of an animal's speech
 Dinah will start talking similarly or what
 in the future my guardian will say
 『Alice!
 now is time of your walk』
 but I reply
 『I can't walk
 I'm observing the hole os small animals because of Dinah』
 but hmm
 with such speech, my guardians will not want her in our house」

she comes to the sleeping room of the white animal
under the sun hole, there is a furniture
on top of the furniture, fan and glove exist
liquid container exists too
the liquid container has this writing
『drink me!』
she takes the container and drinks the liquid
Alice thinks
 「when I drink things, weird things come
 I wish to know this
 this liquid does what
 I wish to become big again
 I feel bad because of this
 I remain small for too long」

suli suli suli
lili Alisu li kama jan Alisu li kama suli Alisu
tomo la, suli Alisu li suli mute
 「mi wile pini e kama suli」
ona li toki
taso la, ona li moku e telo mute
ona li kama suli li kama suli
lawa ona li luka e sewi tomo
luka li insa e lupa suno
noka li insa e supa seli
insa ala la, sina ken lukin
e noka ona lon nena sewi pi kon pimeja
e luka ona sama luka tomo
pona la ona li pini e kama suli

tomo lili la ona li pilin ike
 「mi wile e tomo mi
 lon ma ni la, ijo lon tomo mi li pona
 mi kama ala ante
 soweli li toki ala 『o pali e ijo』
 mi wile lili e ni
 mi insa ala e lupa pi soweli walo
 taso
 taso
 lon ma ni la ijo ni li ijo namako
 ijo li sama sitelen musi mi
 kute la, mi wile kama insa pi sitelen musi
 tenpo ni la, mi lon insa pi sitelen musi
 mi kama jan suli la, mi sitelen e sitelen mi
 n
 mi jan suli lon tenpo ni
 pona la, mi awen ala kama suli
 taso nasin ni la, suli mi la, mi ken ala kama suli
 mi kama majuna ala tan ni
 taso mi awen sin la, mi awen jo e tenpo sona
 ni li ike mute a」
ona li toki tawa ona
 「taso tomo ni li jo ala e ma tawa lipu
 li jo ala e ma tawa tenpo sona kin」
ona li awen toki tawa ona lon tenpo suli

big big big
small Alice becomes Alice becomes big Alice
for the house, Alice is too big
 「I want to stop the getting big」
she talks
but she drank a lot of liquid
she becomes big and becomes big
her head touches the top of the room
arm is inside the sun hole
foot is inside the fire furniture
outside, you can see
the foot in the superior bump of black air
the arm like the house's arm
fortunately, she stops the getting big

because of the small house, she feels bad
 「I want my house
 considering this place, things in my house are good
 I don't become different
 animals don't say『do the thing!』
 I slightly want this
 I didn't enter the hole of the white animal
 but
 but
 in this place, things are special
 things are similar to my stories
 listening, I wanted to come inside the stories
 now, I am inside the stories
 when I become a big person, I will write the writing of me
 hmm
 I'm a big person now
 fortunately, I do not continue becoming big
 but this way, for my current size, I can't become bigger
 I do not become old because of this
 but if I remain young, I remain having study time
 that's very bad」
she talks to herself
 「but this house does not have space for books
 and does not have space for study time too」
she remains talking to herself for a long time

kalama noka lili
suli Alisu li kute
soweli walo li toki wawa
 「jan Melien o
 jan Melien o
 o pana e len luka mi」
suli la, suli Alisu li monsuta e soweli walo
taso suli la, soweli walo li monsuta ona kin
ona li tawa la, tomo li tawa
soweli li alasa open e lupa pi tomo ona
taso luka pi suli Alisu li awen pini e lupa
soweli li toki
 「mi kama insa kepeken lupa suno」
 「ala」 suli Alisu li toki wawa
suli Alisu li tawa e luka
li luka e soweli walo
mu
kalama pi kiwen pakala li lon
soweli walo li kama anpa lon ma kasi ona li pakala e ona
soweli li toki utala
 「soweli Pe o
 o kama o pona e mi」
soweli Pe li pona e soweli walo li kute
 「ijo lon lupa suno li seme」
 「li luka」 ona toki
 「o weka e luka suli tan tomo mi」
tu soweli li toki lili lon tenpo lili
suli Alisu li ken ala kute e ona
tenpo lili li pini la ona li kute sin
 「mi olin ala e toki ni」 soweli Pe li toki
 「o pali e ijo pi toki mi」 soweli walo li toki utala
suli Alisu li tawa e luka kin
li luka e tu soweli
mu
kiwen li pakala sin
taso soweli li weka
suli Alisu li awen insa li awen lon tenpo mute

small foot noises
Alice listens
the white animal speaks powerfully
 「Mary Ann!
 Mary Ann!
 give my gloves!」
because of her size, Alice fears the white animal
but because of the size, the white animal fears her too
as she moves, the house moves
the animal tries to open the door of his house
but Alice's foot keeps closed the door
the animal speaks
 「I come inside using the sun hole」
 「not」Alice speaks powerfully
Alice moves the hand
and touches the white animal
CRASH!
there is noise of broken glass
the white animal fell on his garden and broke it
the white animal speaks angrily
 「Pat!
 come and help me!」
Pet helps the white animal and listens
 「the thing on the sun hole is what」
 「is hand」 he says
 「vanish the giant hand from my house!」
the animal duo talk quietly for some time
Alice can't hear them
after a small time, she hears again
 「I don't like this talk」Pat says
 「do the thing of my speech!」the white animal talks angrily
Alice moves the hand again
CRASH
glass breaks again
but the animals go away
Alice remains inside and waits for a long time