pilin lape la, jan Alisu li lon sinpin telo
mama ona li lukin e lipu
lipu ni li jo ala e sitelen musi
lipu ni li jo ala e toki musi
jan Alisu li pilin e ni
　「tan seme la, jan li pali e lipu ni
　lipu li jo ala e sitelen musi
　lipu li jo ala e toki musi
　nasin ni la, lipu li ike」

jan Alisu li lukin tawa kasi suwi
ona li pilin e ni
　「mi wile ala wile pali e len lawa sike kepeken kasi
　namako li suwi
　taso tenpo ni la, seli li mute li ike」

feeling sleepy, Alice is near the water
her caregiver reads a book
this book has no drawings
this book has no fun stories
Alice feels this:
　「why would people make this book?
　the book has no drawings
　the book has no fun stories
　in this manner, books are bad」

Alice looks at cute flowers
she thinks this:
　「do I want to make a circular head dressing using flowers?
　the accessory is cute
　but right now, the heat is too much and bad」

awen la, ona li lukin e soweli lili
soweli lili li walo li jo e lukin pi loje walo
jan Alisu li kute e soweli
ona li toki
　「pakala a! mi pakala a!!
　mi jo ala e tenpo aa」
tenpo ni la, soweli ni li nasa ala tawa ona
taso tenpo kama la, ona li pilin e ni
　「tan ilo tenpo la,
　tan toki la, soweli walo li 『nasa ala』 ala
　soweli walo li nasa mute a! 」

tawa wawa la, soweli walo li tawa lupa suli
alasa sona la, jan Alisu li tawa lupa suli
lupa suli li sama linja suli
jan Alisu li tawa li tawa
aaa!
li anpa a
li anpa li anpa lon tenpo mute

while thinking, she sees a small animal
the small animal is white and has pink eyes
Alice hears the animal
he says
　「ruined!! I'm ruined!!!
　I have no time!!」
at that time, the animal was not weird for her
but later, she felt this
　「because of the clock,
　because of speaking, the white animal is not 『not weird』
　the white animal is -very- weird」

running, the white animal goes to a big hole
curious, Alice goes to the big hole
the big hole is like a long line
Alice walks and walks
aaa!
and falls!
and falls and falls for a long time

tawa anpa la, ona li lukin e sinpin
sinpin li jo e sitelen jan mute li jo e supa mute
poki mute li lon lon sewi supa
poki moku kin
jan Alisu li lanpan e poki moku suwi
taso poki li jo ala e suwi
pilin ike la, ona li pana sin e poki lon supa

jan Alisu li pilin
　「mi kama wawa tan anpa ni
　tenpo kama la, mi monsuta ala e anpa lon leko sewi
　mi monsuta ala e anpa lon tomo kin
　mi lukin wawa tawa mama tan ni」

while falling, she looks at the walls
the walls have many pictures of people and have many furnitures
many containers are on the furniture
even food containers
Alice takes the sweet food container
but the container has no sweets
feeling bad, she again places the container on the furniture

Alice thinks:
　「I became stronger because of this fall
　in the future, I won't fear falls from the stairs
　I won't fear falls from the house, either
　I will look strong for my mom because of that」

jan Alisu li anpa li anpa
anpa ni li pini ala anu seme
　「tenpo anpa li mute seme
　sona mi la, mi kama poka lon meso pi ma sike
　anu kama poka lon ma Amelika」
jan Alisu li sona ala e sona pi nanpa ma
li sona ala kin e ni
lupa ni li tawa lon seme
taso la, ona li wile toki e sona ona
ona li pilin e pilin sona tan ni

anpa awen la, jan Alisu li kama toki e toki pi soweli ona
　「mi pilin e ni
　soweli mi li pilin ike tan weka mi
　mi wile e soweli Taina lon poka mi
　taso n
　anpa suli li jo ala e soweli lili lili
　soweli mi li ken ala moku
　n
　anpa li ken ala ken jo e soweli walo
　n
　soweli Taina li wile moku e soweli walo anu seme」

Alice falls and falls
this fall is endless or what?
　「the fall time is how much?
　by my knowledge, I approach the center of the earth
　or come close to America」
Alice doesn't know geography
and also does not know this:
where this hole goes
but, she wants to say what she knows
she feels smart because of that

still falling, Alice starts talking about her animal
　「I feel that:
　my animal feels bad because of my absence
　I want Dinah with me
　but hmmm
　the big fall lacks very small animals
　my animal can't eat
　hmm
　could the fall contain winged animals?
　hmm
　would Dinah want to eat winged animals?」

tenpo anpa li mute li mute
jan Alisu li kama pilin lape
ona li pini e lukin ona
kama lape la,
kama lape la,
mu
anpa li pini
ona li anpa lon nena suli
nena li kiwen ala li kasi kipisi mute

lukin pi jan Alisu li lukin e nasin suli
li lukin e soweli walo kin
ona li tawa nasin
wawa la, ona li alasa e soweli walo
wawa la, soweli li tawa
soweli tawa nasin ante
jan Alisu tawa ni kin
taso soweli li weka a

the fall time is lots and lots
Alice begins to feel sleepy
she closes her eyes
becoming sleepy,
becoming sleepy,
THUMP
the fall ends
she falls on a big protuberance
the protuberance is not hard and is made of many parts of plants

Alice's eyes see a large path
and see the white animal, too!
she walks the path
fast, she hunts the white animal
fast, the white animal runs
the animal goes to another path
Alice goes there, too
but the animal vanishes!

lon nasin ante la, lupa mute li lon
taso la, lupa ale li pini
ona li lukin e supa pi kiwen walo, kin
lon sewi supa la, ilo open li lon
　「mi ken open e lupa kepeken ilo open a」
ona li toki
taso lupa suli la, ilo li lili mute
lukin sin tawa nasin la, ona li lukin e lupa lili
　「ilo lili li ken open e lupa lili a」

ona li open e lupa lili
jan Alisu li lukin e ma kasi lon insa ona
ona li wile mute e ni
ona li tawa ma kasi suwi
taso lupa lili la, sijelo ona li suli mute
ona li ken ala tawa ma kasi
　「mi wile kama lili a
　mi wile weka e noka e luka e lawa lon insa pi sijelo mi
　mi wile kama sama e nena lili a
　nasin ni la, mi ken tawa ma kasi suwi lon lupa lili」
taso ona li sona ala e ni
nasin seme la, jan li kama sama e nena lili
wile ni li nasa mute
taso tenpo ni la, ijo nasa mute li lon
tenpo ni la, ijo nasa li nasa ala tawa ona

on the other path, many doors exist
but, all doors are closed
she sees a furniture made of clear mineral, too
on top of the furniture, a tool of opening exists
　「I can open doors using the tool of opening!」
she said
but for the large doors, the tool is very small
again looking at the path, she sees a small door
　「the small tool can open the small door!」

she opens the small door
Alice sees a place of plants inside it
she wants this a lot:
her going to the lovely place of plants
but for the small door, her body is too big
she can't go to the place of plants
　「I want to become small!
　I want to vanish legs, arms and head into my body
　I want to become like a little bump!
　this way, I can go to the lovely place of plants in the small door」
but she does not know this:
by what method, people become like little bumps
this desire is very weird
but right now, many weird things exist
now, weird things are not weird for her

sin la ona li tawa supa pi kiwen walo
ona li alasa e ilo open ante
anu ona li alasa e lipu ni
『lipu li sona e weka tawa lon insa sijelo』
taso ilo open en lipu li lon ala
poki telo li lon
lon poki telo la, sitelen ni li lon
『o moku e mi』
open la, jan Alisu li moku ala e telo
open la, ona li lukin alasa sitelen ni
『telo moli』
sona ona la, telo moli li ike tawa sijelo
taso sitelen ni li lon ala
jan Alisu li moku e telo
telo li moku pona tawa sina a
telo li sama moku waso li sama moku kili li sama moku suwi li sama moku pan kin

　「mi pilin nasa a」
jan Alisu li toki
　「mi kama weka lon insa pi sijelo mi, anu seme」
jan Alisu li kama lili li kama lili
soweli pi lili mute la, ona li sama lili
　「mi ken tawa ma kasi lon lupa lili a」
taso ona li jo ala e ilo open
ilo open li awen lon supa
ona li ken ala lanpan e ilo tan ni
supa la, lili Alisu li lili mute
lili Alisu li pilin ike li pana telo kepeken lukin

again, she approaches the clear mineral furniture
she searches for another key
or searches for this book:
『book teaches vanishing to inside body』
but tool of opening and book are not there
a liquid container is there
on the liquid container, this writing exists:
『consume me』
first, Alice doesn't consume the liquid
first, she searches this writing:
『death liquid』
by her knowledge, death liquid is bad to the body
but this writing is not there
Alice consumes the liquid
the liquid is tasty for her!
the liquid is like bird taste, like fruit taste, like sweet taste and even like pastry taste!

　「I feel weird!」
Alice says
　「am I vanishing inside my body or what?」
Alice becomes smaller and smaller
to a very small animal, her smallness is similar
　「I can go to the place of plants in the little door!」
but dhe doesn't have the opening tool
the opening tool is on the furniture
she can't take the tool because of this:
to the table, Alice is very small
Alice feels bad and makes water using her eyes

　「jan Alisu o, o tawa
　awen la, sina ken ala pali e ijo ale」
tenpo mute la, ona li toki e toki pi nasin pona, tawa ona
tenpo lili la, ona li kute e toki pi nasin pona, tawa ona
tenpo ante la, ona li toki utala e ona tan ni
ona li musi e musi la, ona li kepeken nasin ike
taso ona li musi ala lon poka kulupu
musi ni la, wan taso li lon

lili Alisu li alasa sewi e supa
taso sewi li suli mute tawa ona
lon anpa supa la, ona li lukin e poki leko
lon insa poki la, pan suwi li lon
pan suwi li jo e sitelen ni
『o moku e mi』
alasa kama ante la, lili Alisu li moku e pan
　「nasa a」
ona li toki
　「mi moku e pan la, mi kama ante ala 」
jan li moku e pan la, kama ante ala li nasa ala
taso nasa ala li nasa mute lon ni

「Oh Alice, move!
　stopped, yoou can't do all things」
many times, she talks words of good methods to herself
few times, she listens to words of good methods directed at her
another time, she word-fought herself because of this:
while she played a game, she used foul methods
but she didn't play with a group
in that game, only one was there

Alice tries to climb the furniture
but the climb is very big for her
below the furniture, she sees a square container
inside the container, a sweet pastry exists
the sweet pastry has this writing:
『consume me』
wanting to become different, Alice consumes the pastry
　「weird!」
she says
　「by eating the pastry, I didn't become different」
when people eat pastries, not becoming different is not weird
but not weird is very weird in this place